З мэтай папулярызацыі беларускай літаратуры і развіцця цікавасці маладых людзей да кніг беларускіх аўтараў у гімназіі №1 імя К. Каліноўскага г. Свіслачы быў арганізаваны конкурс “Фатаграфія з любімай кнігай беларускага аўтара”. Дадзены крэатыў – конкурс прапанаваў зрабіць цікавую версію фотаапарата – сэлфі з кнігай, а менавіта з беларускай кнігай.
Вучань X класа
Гуляй Арсеній, як і многія яго аднагодкі, захапляецца спортам, любіць чытаць аб спорце і спартсменах, таму прыняў рашэнне далучыцца да конкурсу. Найбольш цікавай стала кніга Алеся Камароўскага “Пенальці”, якая складаецца з некалькіх аповесцей і апавяданняў.
Асаблівае ўражанне аказалі аповесці “Заварожаны мяч” і “Пенальці”
пра самую папулярную спартыўную гульню – футбол. Аўтар закранае самыя розныя грані чалавечага характару – сумленнасць, адданасць любімай справе, вернасць калектыву. Гэтыя аповесці Алеся Камароўскага – першыя ластаўкі ў беларускай літаратуры на футбольную тэму. Аўтар дасягнуў галоўнага: яскрава паказаў, што футбол – гэта штодзённая цяжкая праца і пошук на шляху павышэння спартыўнага майстэрства. Толькі ў цяжкай працы вырастае сапраўдны футбаліст, вялікі спартсмен і, вядома, чалавек.
Такім чынам была зроблена рэклама любімай кнігі беларускага аўтара і, магчыма, хто-небудзь зацікавіцца і прачытае прапанаваную кнігу.
Семяняка Інеса,
настаўнік беларускай мовы
і літаратуры гімназіі №1 г. Свіслачы
