У суботу, 17 снежня, была праведзена цікавая гульня поле цудаў “Новы год каля варот”. Школьнікі з захапленнем адгадвалі назвы краін, пра традыцыі якіх расказваў вядучы. Вучні даведаліся, што ў розных краінах Новы год сустракаюць па- рознаму, але ўсюды ў гэтага свята ёсць агульныя рысы: надзея на дабрабыт і лепшае будучае. Усе ўдзельнікі атрымалі ў падарунак прыемныя прызы і сімвал 2017 года- пеўніка, які будзе прыносіць толькі перамогу ва ўсіх нашых справах. Спадзяемся, што ўсе жаданні, якія мы напісалі разам напрыканцы гульні ў пісьме Дзеду Марозу, абавязкова збудуцца. Няхай НАМ шчасціць у надыходзячым 2017 годзе!
