Свята «Пасвячэнне ў вучні» прайшло ў гімназіі №1 г.Свіслачы ў выглядзе вясёлага ўрока-гульні. Бо ў гульні навучэнцы здзяйсняюць новыя адкрыцці, перажываюць хвіліны натхнення, развіваецца ўяўленне, фантазія, здольнасці, а такім чынам, ствараецца глеба для фарміравання ініцыятыўнай, дапытлівай асобы.
Пад час свята першакласнікі паказалі, чаму навучыліся за 20 дзён вучобы ў школе . Мы дапамагалі пасажырам цягніка адправіцца ў патрэбным накірунку, засялялі домікі, лічылі, самі складалі і рашалі задачы, паказалі бацькам і гасцям свята, як умеем працаваць у парах, групах, складалі сказы па схемах, дзялілі словы на склады і прыдумвалі словы з вызначанай колькасцю складоў. А яшчэ, з ахвотай і цікавасцю, адказвалі на складаныя пытанні. У ходзе ўсяго свята панавала атмасфера сяброўства, узаемадапамогі і цудоўны святочны настрой. А сапраўдныя пасведчанні і медалі “Школьнік”, “Школьніца”, якія атрымалі нашы маленькія вучні пры падвядзенні вынікаў урока-гульні, мы ўпэўнены, будуць захоўвацца ў сямейных архівах, як самая каштоўная рэліквія.
Мы лічым, што свята “Пасвячэнне ў школьнікі” дапамагае лепш адаптавацца да школы, так як у сціслай форме канцэнтруецца ўвагу вучняў на авалоданне новай сацыяльнай роляй – ВУЧАНЬ, дае вопыт пераадолення цяжкасцей і выпрабавання сябе.