Стары Новы год сустракаем у вяселым карагодзе разам са сваімі лепшымі сябрамі!!!

14 студзеня 2016 года вучні 2”А” і 2”Б” класаў разам са сваімі класнымі кіраўнікамі былі запрошаны на навагоднюю п’есу-казку Генадзя Аўласенка ”Новы год у лесе”, якую дэманстравалі работнікі дзіцячай бібліятэкі.
Вось, глядзіце, дзеці,казку
Пра Лісіцу і Ваўка,
Зайца і Вожыка,
Пра паважнага Мядзведзя,
Пра яго малых суседзяў,
Пра ваверак і Варону…
Ды пра ўсіх лясных звяроў!
У бары, у гушчары звяры весяліліся . Танцавалі і спявалі каля прыгожай елкі. Чакалі Дзядулю Мароза і Снягурку. І вось яны з’яўляюцца! Але…несапраўдныя і з пустым мяхом!
Мех дзядулечкін, сябры,
Ен чароўны! Там, знутры,
І цукеркі, і ласункі,
І другія падарункі!
Многа звяроў злавілі ў гэты мех Даўгахвостая Кума- Лісіца і Разбойнік Шэры Воўк. Свята магло б і закончыцца, але прыйшлі выратавальнікі: Дзядуленька Мароз і Снягурка.”Пакаралі, не судзілі, дзеля свята адпусцілі…”
А Лісіца і Воўк паабяцалі :
Болей так не жартаваць!
Быць з усімі ў добрай згодзе
І ў наступным Новым годзе!
Вершаваны і музычны спектакль выклікаў у маленькіх гледачоў шмат усмешак, падарыў сапраўдны святочны настрой.
СА СТАРЫМ НОВЫМ ГОДАМ ВАС, СЯБРЫ!!!