Першыя школьныя канікулы… Якія яны?!

Як жа першакласнікі чакалі таго моманту, калі даведаюцца, што ж гэта за чароўны час – канікулы!!! І вось гэты час настаў.
Як зрабіць іх запамінальнымі? А вельмі проста! Паехаць … у тэатры!
У нядзелю, 26 кастрычніка 2014 г., разам з вучнямі 3 ”А” класа мы адправіліся на экскурсію ў Гродна. Пазнаеміўшыся са славутымі мясцінамі горада, наведалі тэатр лялек, дзе праглядзелі спектакль”Чароўны пярсценак”. Разам з галоўным героем Ванькам падарожнічалі па Францыі, вучыліся паважаць тых, хто вакол цябе і ніколі не зайздросціць нікому.
Асабліва ўразіла сустрэча з героямі казкі В.Гаўфа “Карлік Нос”, якія выступалі на Вялікай сцэне Гродзенскага абласнога драматычнага тэатра. А акцеры прыехалі з Мінскага камернага тэатра. Паўтары гадзіны казачнага прадстаўлення з яркімі “спецэфектамі” нікога не пакінулі раўнадушнымі.Маленькія гледачы атрымалі жыццевы наказ: заўседы паважаць старэйшых, быць ветлівымі і паслухмянымі.
У апошні дзень канікул,2 лістапада,першакласникам,якія наведваюць яшчэ і нядзельную школу пры царкве Уздвіжання Крыжа Гасподня,пашчасціла пабываць на экскурсіі па святым месцам горада Кобрына.Храмы гасцінна адчынялі дзверы для маленькіх хрысціян.Велічнасць і прыгажосць убранстваў беларускіх цэркваў заварожвалі позіркі школьнікаў. Кожны змог дакрануцца да святынь і памарыць аб самым патаемным.Экскурсія па Кобрыну была вельмі карыснай і разнастайнай: наведалі выставу жывых матылькоў і ваенна-гістарычны музей імя А.В. Суворава,які заснаваны ў 1946 годзе і прысвечаны жыццю і дзейнасці вялікага рускага палкаводца.
Старт школьным канікулам дадзены паспяховы.Будзем спадзявацца, што вучоба ў гімназіі запомніцца не толькі якаснымі ўрокамі, але і экскурсіямі,якія пашыраюць наш кругагляд.